تدوينة شخصية حرة: من المواقف الطريفة في حياة كمبيوترجي ...

السلاااااااااااااااام عليكم :)
خلونا نوخر شوي Little عن التدوين الجاد و التعب و الجهد في جلب الفوايد للمدونة و توزيعها على الناس :)
الحين افكر اني اقص عليكم بعض القصص (( ملاحظة : أعني بكلمة أقص أي أخبركم بعض القصص و ليس أكذب ))
عشان ما تفهموني غلط Wrong و أذهب بها ( أروح فيها )
بصراحة حصلت لي مواقف كثير و كانت الغالبية العظمى تنمي عن جهل المستخدم للكمبيوتر او الانترنت
بصراحة ما الومهم اللي جذي Because عذرهم معهم مو Not متعلمين أو متعمقين في هالمجال و تلاقي اسألتهم سطحية و بصراحة مع احترامي الشديد بعض الاسئلة من بعض الأصدقاء Some Friends تنمي عن أمية تامة Complete بالمرة ما يعرفون راس الكمبيوتر من قاعدته !!!

مثال بسيط
اليوم دق علي واحد من الشباب اللي ما اسمع عنه لا حس و لا خبر News نهائي و تفاجأت باتصاله و الحمدلله تعرفت على صوته و رحبت فيه و دار بيني و بينه الحديث التالي :
ملاحظة: أنا سيكون اسمي هنا ( أنا )

أنا: ألو نعم
عبود: هلا شلونك يا فلان
أنا: هلا و مرحب عبود شلونك انت
عبود: مشالله عليك أصيل ولد أصيل قدرت تتذكر صوتي !
أنا: في العقل الباطن أقول ( من وين جاني هالنشبة ) و اقول له ولو يا عبود
عبود: بغيت اسألك و مابي اطول عليك
أنا: تفضل
عبود: ابيك تدزلي مسج و تسجل لي فيه قائمة باسماء مواقع لتحميل الافلام
انا: تقصد افلام تحميل تورنت ؟
عبود: ايش تقصد تورنت ؟
انا فكرت لولهة لا يروح يورطني على التلفون اشلون افمهمه معنى التورنت ؟
فكان ردي كالتالي: لا لا انا قصدي ان في فلم أسمه تورنت جديد و للحين ما نزل الاسواق و لا السينما
عبود: اهااااااااااااااا زين تكفى قول لي لما ينزل ابي احمله !
انا : افا عليك يا عبود
انا : زين عبود ايش اتصالك بالنت ؟
عبود: والله اليوم شريت كرت بو 5 دنانير كواليتي نت دخلته على جهازي و شبكته على خط التلفون
انا: لحظة عبود شوي لو سمحت!
طبعاً لما قال لي على خط تلفون !!!!!!!!!!! جلست افكر شلون اطلع منها مع عبود ؟؟؟؟؟ و ما ابي اكسر خاطره !
و بكل تأكيد انصدمت للحين تقول خط تلفون !!!
لو شاري وصلة زين ايزي اي جو جان ابرك لك على الاقل تشحن خطك براحتك و لا عوار الراس مع الدايل اب !
و الحل ؟؟؟
قلت خلني اكون صريح معاه عشان لا يقول اني غشيته في المستقبل
عبود: هلا هلا عسى ما شر حطيتني انتظار
قلت له: لا لا ابداً هذا اخوي دق
انا: المهم عبود ابي اقولك الصراحة ما ابيك تتعب و تتوهق بتحميل ( تنزيل ) افلام على النت
لازم يكون عندك على الاقل دي اس ال .... و السرعة على الاقل 512 عشان تقدر تحمل الفلم و تتحمل و ما ينفد صبرك
لانه لو بغيت تحمله دايل اب يبالك لفلم حجمه 700 ميغا حوالي 4 ايام بلياليها اذا ما فصل النت و خلاك تحمل من اول !!
و انا ادور افلام عن طريق غووغل روح لموقعهم و اكتب اسم الفلم اللي تبيه بالانجليزي او العربي و اكتبه جنب الاسم كلمة تحميل بالعربي و تحصله في البلاد العربية بلد المليون منتدى و منتدى :)
و هذي هي اقل الشروط اللي لازم تتوفر عندك اتصال سريع
عبود: اهاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا !!!!!!!!!!!!!!!!!!!!!!!!
انا: ايواااااااااااااااااااااااااااااااااااااااااااااااااااااااااااااااااااااااااا !!!!!!!!!!!!!!!!!!!!
انا من جديد بسبب انشداه عبود و سكوته لبرهة من الزمن : عبووود فهمت على كلامي !
عبود: اي اي فهمت الحين
انا: عبود بقولك شي انا لما كان الدي اس ال عندي سرعته 1.5 ميغا كنت اتكاسل احمل افلام و اقول راح ينبط جبدي لين يتحمل
لاني من النوع اللي ما يصبر على الشي لو بغيته و لازم اجيبه من النت و لا من بياعين الافلام المسروقة اللي يبسطون على شارع بن خلدون او قدام الدريم مول بو دينار الدي في دي او انطر بمكتبي كل اسبوعين يمر جم هندي لابسين شنط لابتوب متروسة دفيديات و اشتري الواحد على نص دينار و اساومه كل اربع الخامس مجاني :) <<<<<<<<< اللي يبيعه ما يرجع له المرة الياية :)
عبود من جديد: اهااااااااااااااااااااااااااااااااااااااااااااااااااااااااااااااااااااااااااااا !!!!!!!!!!!!!!!!!!!!!
انا: اوهوووووووووووووووووووووووو علينا :) (( امزح ))
انا من جديد بسبب سكوت عبود مرة اخرى: عبود
 ركب دي اس ال بو 512 كيلو بت و ابشر بعزك :) بعطيك طريقة البحث عن الافلام في المنتديات و مواقع التورنت :)
عبود: اهااااااااااااااااااااااا زين زين زين مشكور وايد و ماقصرت
انا : حياك يا عبود اتصل كل يوم :)

انتهى ...................
ايش اقول لكل واحد مثل عبود ؟

دق علي صديق قديم جداً بس نادر اسمع اخباره فسألني السؤال التالي
هو: شلونك يا فلان عساك طيب ابقولك شي
انا: تفضل
هو: الحين انا شريت لاب توب من الغانم كلفني 320 دينار
انا: الف مبروووك و انشالله تحرقه بالعافية :)
هو: زين ابي اشتري انترنت من وين احصل انترنت ؟
انا قلت له: تبي تشتري الانترنت بكبره !!!
قال لي: اي افا عليك انا اللي اشتري انترنتات
قلت له: زين روح جمعية الرابية فرع الغاز و اشتري انترنت من هناك
هو: يمعووود انت تبي تقص علي !!!
لولهة من الزمن اعتقدت انه فهم امري بانني اريد الغشمرة معه with him لكن ...... قال
هو متابعاً: ليش ما القاه بفرع الغاز مال جمعية كيفان !!
حتى لا تتدهور الامور و يفضحنا فضيحة العالمين قلت له: ترى امزح
انا متبعا: روح حق زين و قول لهم ابي اي جو بو 14 دينار بالشهر و اهم يعلمونك شلون تشبك :)
و الى الان لم اسمع اخبار الصديق الطريف القديم القاطع اللي كان ناوي يشتري الانترنت بكبره !!


انا يا اخواني صدقوني beleive me اكره شي عندي ان اعرف صديق منذ امبطي ما اسمع اخباره و وقت المصلحة يدق !
لي مواقف كثيرة و طريفة جداً لكن الحين بصراحة النعاس قاتل مأجور Hitman مع مرتبة الشرف و يسيطر على مخي
في ان ورد اي اخطاء املائية في تدوينتي هذه
لا تؤاخذوني عليها ابداً و ماني محررها مرة ثانية

و تصبحون على الف خير في تدوينات شخصية قادمة
و تدوينات كمبيوترية

كمبيوترجي صحة طعمها رائع :)