إبحث عن الملفات فقط بواسطة FilesTube مهما كانت ...

مساء الخير للجميع

أمس كان الجو مو طبيعي هم بعد اليوم مو طبيعي :(

و الحر قاتل محترف مع مرتبة الشرف

و خصوصاً لما تكون سيارتك الظهر بدون مظلة يبوووووووووي

انا امس كنت محضر بحث عن موقع يقدم لك خدمة بحث الملفات على الانترنت و تحملهم

مهما كان نوع الملفات سواء فيديو او ملفات نصية وورد او ملفات اكروبات بي دي اف

او فيديو او ام بي ثري و و و و  كل اللي تبونه

للاسف ما قدرت انزل التدوينة لاني كنت حيل نعسان و ابي انام و لله الحمد صحيت متأخر عن دوامي 10 دقايق !

موضوعنا اليوم هو عن محرك بحث الملفات المسمى بـFilesTube على غرار YouTube

فايلز تيوب ...

www.filestube.com

مثل ما تشوفون الشعار مال الموقع و عبارتهم : Download Everything - حمل كل شيء

الموقع واجهته سهلة و يسمح لكم ان تبحبشوا على الملفات الموجودة على الانترنت بسهولة :)

و في ميزة حلوة جداً فيه اعجبتني بالفعل

الحين لما يكون في ملفات كبيرة الحجم على الرابيد شي

عادة تكون مقسمة صح ؟

يعني تلقون الملف جذي

Part1.rar

Part2.rar

Part3.rar

هني تجي ميزة هالموقع

لو كان الملف مقسم و قدرت تحصل البارت 1 لما تضغط عليه عشان تحمل ما ينقلك للملف مباشرة

ينقلك لصفحة التحميل من الموقع و يوريك لو كان في معاه بارت 2 و بارت 3 :)

يعني ما يخليك تحوس و انت تدور حق تكملة الملف :)

هم بعد ميزة ثانية حلوة

تقدر تخصص البحث و تحصره في موقع معين

يعني لو تبي الملفات تحملهم من الرابيد شير لان عندك حساب فيه

مو مشكلة على اليسار من نتائج البحث تسوي فلتر للرابيد شير و يوريك الملفات اللي على رابيد شير و بس

و هالميزة حلوة لان تخصيص البحث يختصر الوقت

و انا على طول اسوي جذي لان لي حساب بالرابيد شير ما اضطر انطر لين الصبح حت احمل ملف

ما ابي اغوص بالتفاصيل اكثر للموقع

راح اترك لكم اكتشاف باقي مميزاته بانفسكم

و اعدكم قريباً بمحركين بحث اخرين في موضوع منفصل

بحثهم متخصص في الملفات على الرابيد شير و المواقع الكبار لتحميل الملفات

الحين استأذن منكم

كمبيوترجي