سارقي إيميلات الهوت ميل Phishing Scam لا تصدقوهم ...

Phishing Scam

فيشينغ سكام .....

ترد إلى بريدي الإلكتروني الكثير من تلك الرسائل في محاولاتهم الفاشلة لسرقة حسابي في الهوت ميل و محتواها سأكتبه لكم باللغة العربية و كيف هو أسلوب هؤلاء العابثين الذين يودون بشدة سرقة حساباتكم في الهوت ميل في محاولة مضنية و فاشلة منهم لمعرفة حساباتكم البنكية او الشخصية و اختراق خصوصياتكم و سرقة بياناتكم و ابتزازكم بمثل تلك الرسائل المزيفة التي لا تمت بصحة لمحتواها....

حرامي الإيميلات

يرسلون اليكم الرسالة التالية و سأشرح رسالتهم باسلوبي الشخصي لكي اوصل الفكرة اليكم .... اقرأوا بحذر ...

أولا عنوان رسالتهم عادة يكون

Hotmail Alert أو Account Alert أو Windows Live Alert و الكثير من العناوين التافهة ...

محتوى الرسالة:

عزيزي العضو ... ( يا سلام للحين ما تعرفون اسمي ) ؟؟

نحن فريق الهوت ميل و نود إعلامكم بأن الشبكة قد إمتلأت بعناوين البريد الالكتروني الغير مستخدمة و عنوانك هو أحد تلك العناوين الخاملة التي يجب عليك تحديث بياناتك فيها لكي نتأكد أنك تستخدم بريدك ، حيث أننا سنقوم بمسح الحسابات غير السمتخدمة و ذلك لقلة العناوين و عدم وجود مساحة كافية في سيرفراتنا ، يرجى منك تزويدنا في البيانات التالية لتأكيد أنك عضو في الهوت ميل.

إسم المستخدم: ........

كلمة السر: .......

تاريخ الميلاد:.......

بلد الإقامة: .......

شهادتك الدراسية: ........

عند ملئك لتلك البيانات و ارسالها الينا سيكون حسابك لا يزال بخير و يعمل بشكل طبيعي و لن نقوم بمسحه ، و نحذر بأن المستخدم الذي يرفض أن يقوم بتحديث بياناته كما هو مطلوب منه سنقوم بحذف حسابه و لن يكون قادر على استعادته مرة أخرى بعد 3 ايام من تلك الرسالة.

هذي صورة مثال لاحد رسائل السكام اللي يسرقون ايميلات الناس

اضغطوا عليها للتكبير

(( الحين صار وقت التعليق و التوضيح ))

أول شي أول شي أول شي أبسألكم سؤال .... هل أنتوا فعلاً تصدقون هالأشياء هذي ؟

خليني أعطيكم معلومات حلوة و تبرد و تثلج الصدر ، شركات اللي تسوي ايميلات المعروفين الياهو و الجيل ميل و الهوت ميل كلهم الحين في عز المنافسة على زيادة مساحة الايميل جووجل مساحتها لا تنتهي و ما تلغي حسابك حتى لو بطلت تدش عليه سنة و الياهو تعطيك مهلة شهرين لو ما دخلت ايميلك أبداً ابداً ما تحذفه لك بالعكس تلقاه موجود لكن ينمسح الرسائل اللي فيه لانه كان حسابك خامل اما تجيك ياهو  و تقولك قول لنا ايش باسوورد و لا بنمسح حسابك ؟؟؟ ايش هالهياط ؟؟؟ جدتي ما طلبت مني باسووردي :)

عيل الهوت ميل بكبرها و حمها يا جماعة الخير ، زعيمها بيل غيتس زعيم الويندوز اللي نشتغل عليه و المايكروسوفت بكبره معقول يقول لموظفينه دزوا رسالة حق هذا ايميلاه مو شغال صارله مدة نبي نلغي حسابات خلاص صار عندنا زحمة في السيرفر و مو موفية معانا !!!!! انتوا بعقلكم هل يعقل ان مايكروسوفت ام الكمبيوتر تجي تقول لكم قول لنا ايش باسووردك يا ( عضو ) و ايش اليوزر نيم مالك و ايميلك و اسمك و شغلك و تاريخ ميلادك ،، الحين بالعقل مو لما سجلتوا كتبتوا كل هذي البيانات لهم ؟ و يعرفونها عدل ؟؟ عيل ليش بيسألوني عنها مرة ثانية دامهم يعرفونها ؟؟؟؟

هذا دليل ان اللي داز الرسالة مو مايكروسوفت انما واحد ما يخاف احد يعني ما يخاف الله ما يخاف بشر ما يخاف من شي لكن لو تعقبوه لجنة امن الانترنت جان يصير مثل الزهيوي اللي نشوفه بحمامات العامة ينداس و ينخاس :)

اخواني مثل هذي الرسائل ايااااااااااااكم ثم اياكم تصدقونها

مايكروسوفت عندها استعداد تعطيك مو بس ايميل واحد تعطيك امية 100 ايميل و فوق هذا و ذاك لو ما ظل عندهم مساحة عيل من جم شهر بس طلعوا خدمة جديدة اسمها SkyDrive و تعطيك مساحة تخزين لملفاتك على النت و قدرها 20 جيجا بايت !!!!!!!!!!!!!!! الله الله الله عشريييييييييييييييييين جيجا بايت ؟ تخيلوا الجيجا الواحد بشارع بن خلدون بحولي ينشرى بـ 2 دينار اضربوا الـ2 دينار ابـ20 جيجا اللي عطتنا اياها مايكروسوفت لكل ايميل في الهوت ميل عندها جم صاروا ؟ 40 ديناااااااااااااااااااار يبا مايكروسوفت تدفع لكم 40 دينار عشان يصير عندكم ايميل عندها و بقولكم شي ترى مساحة السكاي درايف اللي قلتها لكم هذي مجانية بالكامل و اضافية فوق حجم ايميل الاعتيادي ، يعني مساحة ايميلك حالياً (( غير منتهية )) يعني ما عاد تفكر تمسح ايميلات من صندوق الوارد و مساحة للماي سبيس و مساحة اضافية بروفايل و حسابات تتعلق بالهوت ميل و كل من ينتسب لمايكروسوفت امتيازات بالهبل ...... و تتصوروا الحين بس وقفت على انهم يبون يكنسلون ايميلات ؟؟؟؟؟؟؟؟؟؟؟؟؟ لو هالكلام صج شوف وش تسوي مايكروسوفت اول شي تناديك باسمك اللي سجلت فيه ثاني شي تعرف كل معلوماتك و تعرف انت من وين و مو ناقصها حضرتك عشان تقول لهم انا بالكويت و لا بالمملكة و لا بالبحرين و الا بدبي اهم يعرفون انت وين ... و يعرفون تاريخ ميلادك و كل شي و على فكرة ((( ما يعرفون باسووردك ))) وش هالاحترام يا مايكروسوفت ؟؟؟ ماشالله عليهم والله صج احترمهم مايكروسوفت يا اخواني ابداً ابداً ابداً ما راح تطلب منكم تكتبوا كلمة السر لهم بايميل او تحولكم لصفحة مفخخة و يسرقونكم مايكروسوفت بكبرها ما راح تجي تقولكم تكفون بطلوا ايميلاتكم ما عندنا مساحة كافية هذا عار على شنبات ابوهم و ابو ابوهم و ام ابوهم بعد لو قالوها :)

لذلك يا اخواني مثل هذي الايميلات و الايميلات اللي يقولون لكم دزوها لعشرين واحد عشان ما يمسحون حساباتكم  ايش تسوون معاهم بالضبط ؟

طبقوا اللي بالصورة تماماً

1 - اضغط على القائمة اللي في هوت ميلك و اسمها Mark As

2 - اختاروا كلمة Phishing Scam

و خذوا وعد ما عاد تشوفون اللي دز لكم هالرسالة ابداً لكن ممكن تشوفون غيره

عطوا عمركم 5 ثواني بالضبط و كرروا الحركة بكل واحد يسويها و يدزي لكم مثل هالايميلات

يبا بالعقل ايميلكم شغال و انتوا دشيتوا عليه و كل يوم تتابعون من وين يجونكم ذولا الفصاعين سراقين الايميلات و يقولون لكم عندنا زحمة ايميلات يلا عطنا باسووردك نبي نتأكد انك عضو !!!!!!! هههههههههههههههههههههههههه قسم بالله اول ما اشوف جذي اقعد اضحك الين تفرط معدتي عليهم يحسبون ان الناس اغبياء مثلهم !!!

اخواني و اللي يبي اي مساعدة بهالخصوص يسأل و لا يقعد يتحزر و يقول اصدقه و لا ما اصدقه

دزوا لي نسخة عن الرسالة اللي انتوا تشكون فيها انها سرقة و انا اقول لكم لو اهي صج و لا فخ !!!

والله ما ابي منكم غير دعوة بالغيب و انا اسوي هالشي عشانكم انتوا ما احب اسمع ان في احد عربي ما يعرف يتصرف في اوقات الشدة من ايميله او صفحة زارها او موقع يحسه مفخخ ابي العرب كلهم من يشوفون الشي من بعيد يعرفون ايش الحقنة المناسبة للمشكلة و عشان جذي انا سويت هالمدونة يا اخوان

و اللي عنده اي اسفسار يسأل و يروح خزينة الحلول و يسأل سؤاله موجود القسم في المدونة

فتحت الخزينة عشانكم و الحين مو قاعد غير اكش ذبان فيها

ههههههههههههههههههههههههه

والله حالة :)

هم معليييييييييييييش و تستاهلون الخير و الخزينة مفتوحة للكل و حياكم الله

اي استفسار تفضلوا و علقوا اهني

ما يردكم الا الكي بورد .............

كمبيوترجي