UD.com إختصر وقتك و إعرف لو الإسم راح عليك و لا للحين موجود

بسم الله الرحمن الرحيم

السلام عليكم و رحمة الله تعالى و بركاته

سرت العادة و لن تتغير ما شاء الله .....

الأخضر = توكل على الله ...

الأحمر = لا حول و لا قوة إلا بالله ...

لو شفت الليت مشعل أخضر إرعص الزر لا يطوفك

و لو شفته أحمر لا تلوم إلا نفسك لأن اللي خذاه كان أسرع منك له

و من سبق لبق :)

www.ud.com

NameCheck

هذا الموقع الصغير بشكله و تصميمه و بساطته اللا متناهية ..

عنده خبر كان و خبر لم يكن  و خبر للحين يتكون و خبر ما سمعنا عن أمه شي للحين :)

على فرض أنت أو أنتي ، تبون تسوون موقع على الإنترنت و لازم تختار إسم يعجبك و يدخل مزاجك و حتى لو بغيت تسوي مدونة على بلوغر أو تحجز لك تويتر ولا تبي عنوان على الفيس بوك أو الفليكر ولا تباه دوت كوم أو دوت نت ، أنا بقولكم راح تتلوع جبودكم لين تحصلوا إسم و تقعدوا قدام الجهاز 3 أيام بلياليها تسجلون و تعبوا البيانات الخاصة فيكم على أي موقع و بعدين تاليها آخر شي تجيكم هالكلمة اللي تنزل مثل " الطشت " على الراس و هي (( عفواً إن الإسم الذي تريده محجوز )) أو طشت آخر إسمه (( عذراً الإسم مأخوذ )) راح تبجوا و تقولوا مالت على حظنا كل الأسماء اللي نبيها راحت :(

جنه حظ واحد نازل سوق الجمعة مو محصل الغرض اللي يبيه :(

طيب هذا الموقع ما يمنع نزول الطشت عشان أكون صادق وياكم

لكن ...

يختصر أم الوقت اللي نقعد فيه قدام الجهاز و قدام كل موقع و نسجل بياناتنا كل خمس دقايق و بالآخر يقول محجوز أو راح علينا

كل المطلوب بمحرك بحثه حط الإسم مثال wa7ad يقوم هالمحرك العجيب يخبرك لو هالاسم متوفر على هالمواقع المعروفة و لا أخذوه :)

هني تتطمن و تعرف

لو مأخوذ

يطلع لك على إطار الموقع اللي فحصه اللون اللي نقول عنه ((( لا حول و لا قوة إلا بالله ))) " الأحمر "

لو طلع لك إطار الموقع اللي إنفحص بلون " أخضر " ((( توكل على الله ))) روح بسرعة و إركب أستون مارتن و بوجهك على الموقع سجل الإسم اللي شيكت عليه لا يركب واحد غيرك فانتوم و يسبقك و ياخذه :)

أنا شيكت من شوية على أسماء حلوة و لقيت شي أحمر و شي أخضر :)

عشان أشوفه

جربوووووووه جربووووووووه

و هذي نصيحة لكم

إحفظوووووه بالمفضلة

راح تحتاجونه اذا مو اليوم باجر

بعدين شكوا تحفظونه بالمفضلة ؟؟؟؟ اهو صعب لهذي الدرجة ؟؟؟

قولوا وياي (( يو دي / يو دي / UD / UD ))

www.UD.com

يو دي = لا طشت بلاستيكي :)

لا مزيد من الطشت البلاستيكي على الرأس عندما نكتشف ان الاسم مأخوذ

يعني على الاقل تخف الصدمة لما تشوفون الاخضر وايد

اما لو شفتوا الاخضر كلش تارس النتايج

هذا معناه ان الاسم اللي اخترتموه حيل شين محد معبر هالاسم

خذوه لو عاجبكم بس لا يطيح بجبودكم بعدين :)))

تحييييييييييييااااااااااااااتي للجميع

ادري مطمطنا لكن وجب المطمطة بصراحة عشان نخلي هالاسم موجود عند الكل

و ما نبيكم تتعبون وايد

لاني حيل حيل حيل شايف الموقع ناااااااااافع جداً حده  :)

كمبيوترجي